/ 永恆經典 /

// 11 12 23 晴天🌞 20:00 尖沙咀 帝國中心 @momijichayahk 日本最早出現茶漬飯可以追溯到飛鳥時代，當時日本貴族最鍾意喺飯裏面，倒入熱水/熱湯，作為其中一種親胃嘅食法。 去到戰國時代，茶漬飯更被稱為「武士之食」。由於武士行軍期間，經常要以最短時間充飢提神，所以就會利用熱茶泡飯，一嚟做法簡單，二嚟食材方便。 時至今日，隨住民眾對食越嚟越講究，茶漬飯亦陸續推出咗各式各樣嘅種類，雖然味道相比以前有好大轉變，不過，始終不變，就係茶泡飯呢一對嘅永恆組合啊！ 𖤐ˊ會有加一服務費 🔻豪華海鮮丼茶漬飯 HKD$178 ꕀ 多款新鮮魚生：吞拿魚、三文魚、帆立貝、甘蝦、飛魚籽 配上鰹魚昆布湯 清淡之中又帶有鰹魚嘅鮮味 將米飯撈埋一齊 令整體口感更加濕潤 食起嚟特別開胃 飲得出係真材實料 有兩種食法 1. 好似平時咁蘸上山葵及豉油為主 2. 將飯同刺身放喺細碗裏面 淋上熱湯 然後按照自己喜好加入適量山葵 變成茶漬飯 🔻和牛茶漬飯 HKD$148 ꕀ 和牛本身有經燒肉汁煮過 所以有牛味之餘更有日式燒肉風味 即使乾食配飯都已經超正 再淋上茶漬湯 令燒肉汁溶入湯中一齊食 簡直幾番享受 一試難忘 能夠令和牛嘅油脂香 盡情喺熱湯中得到釋放 🔻和風炸雞盛合 (雞件/雞全翼) 追加 +HKD$35 炸雞件外層酥脆、香口 蘸滿沙律醬份外滋味 炸雞翼咬落去微脆、嫩滑、多汁 味道相當吸引 🔻凍即磨咖啡 追加 +HKD$15 🔻自選特製芭菲 HKD$75 ꕀ 可以選擇自己喜歡嘅口味 芭菲基本配料會有：忌廉、寒天、粟米片、銅鑼燒 另外再揀咗雲呢拿雪糕球、自家製白玉、香蕉、黑蜜、牛奶軟雪糕 自家製白玉柔軟煙韌 濃厚牛奶味軟雪糕 成份相對天然 所以溶得較快 忌廉真係好滑好滑 同黑蜜嘅味道非常合襯 而且每一層都擁有住唔同嘅口感 可以話層次極為豐富 重點唔會太甜 食完又唔會覺得太漏，超級讚啊 ꕀ #尖沙咀#帝國中心#紅葉茶屋#日本菜 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_source=qr